၂၀၂၃ ခုနှစ်၊ ဇွန်လ (၂၀) ရက်နေ့ ညနေ (၄:၀၀) နာရီအချိန်တွင် ကွန်ပျူတာတက္ကသိုလ်(မကွေး) ဘွဲ့နှင်းသဘင် ခန်းမ၌ ကျင်းပပြုလုပ်သည့် သိပ္ပံနှင့်နည်းပညာဝန်ကြီးဌာန၊ အဆင့်မြင့်သိပ္ပံနှင့် နည်းပညာဦးစီးဌာန၊ ညွှန်ကြားရေးမှူးချုပ် ဆရာမကြီး ဒေါ်နွယ်နီနှင့် ကွန်ပျူတာတက္ကသိုလ် (မကွေး) မှ ဆရာ၊ ဆရာမများ၊ ဝန်ထမ်း များနှင့် တွေ့ဆုံပွဲအခမ်းအနား ကျင်းပြုလုပ်ခဲ့ပါသည်။ထို့နောက် သိပ္ပံနှင့်နည်းပညာဝန်ကြီးဌာန၊ အဆင့်မြင့် သိပ္ပံနှင့်နည်းပညာဦးစီးဌာနမှ ညွှန်ကြားရေးမှူးချုပ် ဆရာမကြီး ဒေါ်နွယ်နီက အဖွင့်အမှာစကားပြောကြားခဲ့ပြီးနောက် ကွန်ပျူတာတက္ကသိုလ်(မကွေး)မှ ဒုတိယပါမောက္ခချုပ် ဒေါက်တာစိုးလင်းအောင်က လုပ်ငန်း ဆောင်ရွက်မှုအခြေအနေများအား ရှင်းလင်းတင်ပြခဲ့ပါသည်။ ဆက်လက်၍ တက်ရောက်လာသည့် ဆရာ၊ ဆရာမများ၊ ဝန်ထမ်းများမှ တင်ပြလိုသည်များရှိပါက တင်ပြရန်ဖိတ်ကြားခဲ့ပြီး တင်ပြလာသည့် အကြောင်းအရာများကိုလည်း ဆရာမကြီးမှပြန်လည်ရှင်းလင်းဖြေကြားခဲ့ပါသည်။ ထို့နောက်သိပ္ပံနှင့်နည်းပညာဝန်ကြီးဌာန၊ အဆင့်မြင့်သိပ္ပံနှင့်နည်းပညာဦးစီးဌာနမှ ညွှန်ကြားရေးမှူးချုပ် ဆရာမကြီး ဒေါ်နွယ်နီက နိဂုံးချုပ်အမှာစကား ပြောကြားခဲ့ပြီး အမှတ်တရမှတ်တမ်းဓါတ်ပုံများရိုက်ကူးခဲ့ပါသည်။
သိပ္ပံနှင့်နည်းပညာဝန်ကြီးဌာန၊ အဆင့်မြင့်သိပ္ပံနှင့်နည်းပညာဦးစီးဌာန၊ ညွှန်ကြားရေးမှူးချုပ် ဆရာမကြီးဒေါ်နွယ်နီနှင့် ကွန်ပျူတာတက္ကသိုလ်(မကွေး)မှ ဆရာ၊ဆရာမများ၊ဝန်ထမ်းများနှင့်တွေ့ဆုံပွဲအခမ်းအနား
Visits since September 2019