၂၀၂၃ ခုနှစ်၊ ဇွန်လ (၄) ရက်နေ့ နံနက် (၉း၀၀) နာရီအချိန်တွင် ကွန်ပျူတာတက္ကသိုလ်(မကွေး)၏ (၁၃) ကြိမ်မြောက်ဘွဲ့နှင်းသဘင်အခမ်းအနားကို ကွန်ပျူတာတက္ကသိုလ်(မကွေး) ဘွဲ့နှင်းသဘင်ခန်းမ၌ ကျင်းပပြုလုပ် ခဲ့ပါသည်။ အဆိုပါအခမ်းအနားသို့ မကွေးတိုင်းဒေသကြီးအစိုးရအဖွဲ့ဝန်ကြီးချုပ် ဦးတင့်လွင်နှင့် အစိုးရအဖွဲ့ဝင် ဝန်ကြီးများ၊ တက္ကသိုလ်၊ ဒီဂရီကောလိပ်နှင့်သိပ္ပံကျောင်းများမှ ပါမောက္ခချုပ်များနှင့်ကျောင်းအုပ်ကြီးများ၊ ဖိတ်ကြားထားသည့် ဧည့်သည်တော်များ တက်ရောက်ခဲ့ကြပြီး၊ ဝန်ကြီးချုပ်က ဘွဲ့ရမောင်မယ်များအား ဂုဏ်ပြုအမှာစကားချီးမြှင့်ခဲ့ပါသည်။ ဆက်လက်၍ ကွန်ပျူတာတက္ကသိုလ်(မကွေး) ဒုတိယပါမောက္ခချုပ် ဒေါက်တာစိုးလင်းအောင်မှ ဘွဲ့နှင်းသဘင်ဆိုင်ရာအချက်အလက်များ ရှင်းလင်းတင်ပြခဲ့ပြီး ဘွဲ့ယူမောင်မယ်များအား ဘွဲ့လက်မှတ်များအပ်နှင်းခဲ့ပါသည်။ ယခုဘွဲ့နှင်းသဘင်တွင် တက်ရောက် (၃၉) ဦး နှင့် အဝေးရောက်ဘွဲ့ယူသူ (၃၉)ဦး၊ စုစုပေါင်း (၇၈) ဦးတို့အား ကွန်ပျူတာသိပ္ပံဘွဲ့၊ ကွန်ပျူတာနည်းပညာဘွဲ့နှင့် မဟာကွန်ပျူတာသိပ္ပံဘွဲ့များ အသီးသီးအပ်နှင်းခဲ့ပါသည်။
ကွန်ပျူတာတက္ကသိုလ်(မကွေး)၊(၁၃)ကြိမ်မြောက် ဘွဲ့နှင်းသဘင်ကျင်းပခြင်းအခမ်းအနား
Visits since September 2019